You are currently viewing Blog kaise banaye 2021 | Step by Step
blog kaise banaye

Blog kaise banaye 2021 | Step by Step

Blog Kaise Banaye 2021 | Step by Step in Hindi

Waise to Internet se Paise kamane ke bahut se tarike aapko mil jayenge, par Blogging ek aesa tarika hai jo sabse zyada popular hai. Aapko bhi Blog banana sikhna hai, to aaj mai aapko bataunga Blog Kaise Banaye 2021 step by step in Hindi. Jis se aap bhi Internet ke is sabse popular tarike se paise kama sakte ho.

Dekhiye dost shayad hi aapko koi ye suggestion dega, par mai aapko zaroor dunga kyuki mai chahta hoon ki aap agar ye kaam karna chahte hai to aapko poori knowledge mile. Aap agar blog banana chahte hai aur abhi agar aapko ye nahi pata blog kya hota hai, blog me kya kya zaroori hota hai aur blog ke basics nahi pata to aapko pehle ye read karna chahiye.

Read this : Blog Kaise Banaye or Blog Kya hai

Ab agar aapko blog ke baare me basics pata hai to aage read kariye. Dosto India me bahut sare bloggers aese hai jinhone Blogging ko shuru kiya as a Part Timepar agar aaj ke samaye ki baat batau to aaj wo sab itna paisa sirf blogging karke kama lete hai ki unhe ab kisi bhi tarha ki naukari karne ki zaroorat nahi hai. Agar aap bhi ek blogger banna chahte hai to blogging karke bhi aap hazaro, laakho bhi kama sakte ho aapko Amit Agarwal ke baar me to pata hona chaiye jinhone apni naukari chhor ke blogging shuru ki aur aaj India me Father of blogger ke naam se jaane jate hai.

 

blog kaise banaye

Internet par aapko aese bahut se platforms mil jayenge jinpar aap apne liye free me blog website bana sakte hai, magar mai aapko un do platforms ke baare me aaj ke is article Blog Kaise banaye me batane wala hoon jo sabse zyada popular hai, aur jinka istemaal karke aap apne liye ek professional Blog Website bana sakte ho.

 

Blog Kaise Banaye 2021 | Step by Step Guide in Hindi

Dekhiye dost Internet ka istemaal to aap har roz karte hai na, to bas tension ki baat hi nahi hai aap badi hi aasani se apne liye ek Free blog bana sakte hai. Aaj mai aapko 2 aese tarike bataunga jiski madad se aap apne liye bhi ek blog bana sakte hai aur blogging feild me apna career shuru kar payenge.

Internet par 2 aese platform mojood hai jo sabse zyada popular hai blog website banane ke liye, aur wo hai.

  • Blogger
  • WordPress

Blogger se Free me Blog kaise banaye ?

Google aapko free me blog banane ke liye ek service deta hai jiska  naam hai Blogger. Blogger bahut hi zyada popular website hai jiski madad se aap bhi apne liye free me blog bana sakte ho. Aapne jitne bhi bade bade blogger ka naam suna hai na, zyadatar ne apne blogging career ki shuruwaat blogger par free me blog bana kar ki thi, aap bhi isi se apne blogging career ki shuruwaat kar sakte hai. 

Chaliye ab mai aapko Step By Step Guide bataunga 2021 ki Blog kaise  banaye blogger par.

  1. Sabse pehla step hai aapko Blogger ki website Blogger.com par jaana hoga.
  2. Ab aapko saamne Create Blog ka Option Dikhega aapne uspar click karke apni Gmail ID se Log in karna hai.
  3. Jaise hi aap Login ho jaoge uske baad aapko apne Blog ka Naam ya Title dena hai example ke liye “Creators GYaan”.
  4. Iske baad aapko apne blog ka URL set karna hai aap wo naam bhi select kar sakte hai jo aapne Step 3 me Blog Ka Title diya tha “CreatorsGyaan.blogspot.com”. Lekin kai baar aesa hota hai “Not Available” likha aata hai to aapko URL me thoda badlaav karna padega.
  5. Iske baad agle step me aapko apne blog ka Display Name dena hoga aap wo hi name select kar sakte hai jo aapne Blog ka Naam diya hai “Creators Gyaan”.
  6. Ab aapka blog ban kar taiyaar ho chuka hai.
  7. Aap Left taraf aa rahe menu se apne Blog ke liye Themes ko select kar sakte hai.
Blogger

WordPress par Blog kaise Baneye?

WordPress ki agar baat kare to isme aap do tarike se apna blog bana sakte hai, ek to free platform ka istemaal karke aur ek Paid Tarike kaa istemaal karke. Agar aap Paise de kar istemaal karna chahte hai to isme aapko bhot zyada customizable features mil jate hai lekin uske liye aapko ek to custom domain kharidna padhta hai aur ek hosting kharidni padhti hai. Lekin dusra tarika jo free wala hai us se bhi aap blog bana sakte ho, chaliye jaante hai step by step wordpress par blog kaise banaye.

  1. Aapko sabse pehle WordPress ki website WordPress.com par jana hoga.
  2. Uske baad aapko samne Start Your Website ka option dikhega aapko us par click karna hai.
  3. Fir aapko samne ek form dikhega aapko isme Email ID, Username aur password dalna hai, aap direct Google ya apple id se bhi login kar sakte ho aapko form ke neeche button dikhenge.
Wordpress-form---Blog-kaise-banaye

4. Ab aapko apne wordpress blog ke liye Name select karna hoga aur aapko usi naam se Free wala domain select karna hoga.

Wordpress-free-domain

5. Select par click karne ke baad aapko ek plan ka page dikhega apko tension ni leni paise dekh kar aapko upar ek option dikhega Start with a Free Site aapne us par click karna hai.

Wordpress-website-plans

6. Uske baad sab kuch load hoga automatically aur aapka blog ban kar taiyaar ho jayega.

7. Aapko uske baad samne ek button dikhega “Get Started” ka aapne us par click karna hai

8. Uske baad aapko “Name your Site” par click karna hai.

9. Uske baad aapko sari credential bharni hai jaise site title, tag line aur site icon aur iske baad save settings par click kare.

10. Ab aap upar diye gaye Write ke button se apni post likhna shuru kar sakte hai.

Free blog ko Professional Blog banane ka tarika -

  1. Professional Blog ki agar baat kare usme Theme ka sabse bada yogdaan hota hai, to aapko bhi apne blog ke liye ek acchi aur light (halki) theme ko download karna hoga.
  2. Aapko apne blog ko Users ke liye aasan banana hoga, taki wo aapki blog website par aakar confuse na ho.
  3. Apne blog ke liye Favicon ko bhi zaroor lagaye.
  4. Aap apne blog me Social Sharing ke liye bhi button zaroor lagaye, taki viewers aapki blog post ko share bhi kar sake.
  5. Apne blog par Post ke liye categories zaroor banaye.
  6. Aapko apne blog ke liye sabhi social media platforms jaise ki Facebook, Instagram, Twitter aur YouTube jaise platforms par account banana chahiye.
  7. Blog se paise kamane ke liye bhi ye zaroori hai ki aapko apne Blog Website par Privacy Policy, About Us, Disclaimer aur Contact Us ka page banana zaroor chahiye.
  8. Aapko apne Blog ke liye ek Custom Domain to zaroor lagana chahiye.
  9. SSL certificate zaroor lagaye.
  10. Apne blog par ads chalakar paise kamane ke liye aapko Google AdSense se approval lena padega jiske baad ap apne Blog par ads laga payenge.

To jin tariko ke baare me maine aapko upar 10 points me bataya hai unka istemaal karke aap apne Blog ko professional bana sakte hai. Kai baar aesa hota hai, aur ise dekha bhi gya hai bahut sare bloggers ye complaint karte hai ki unhe Adsense ka aprooval nahi mil raha hai, agar aap bhi apne blog se paise kamana chahte hai to aapko apne blog ko professional zaroor banana padega.

 

Blogging karne ke Fayede :

  1. Blogging ek business ki tarha hai, aap agar naukari nahi karna chahte to blogging kar sakte hai aur is se aap kisi ke under kaam nahi karege balki khud ke hi boss honge.
  2. Dekhiye dost blog banakar bahut sare log itna paisa kama rahe hai ki wo apne ghar ka guzara acche se kar sakte hai.
  3. Blogging karke paise kamana ka sabse basic tarika hai Google AdSense aur agar aap blogging karte hai to samjhiye ke aap duniya ki sabse badi company ke sath mil kar kaam kar rahe hai.
  4. Aesa zaroori nahi hai ki blogging karne ke liye aapko kisi perticular location jaise ki office, ghar aadi me baith kar hi kaam karna hai, aap kahi bhi baithkar blogging kar sakte hai.
  5. Koi bhi normal job aapko jitna paisa offer karegi us se zyada paisa khali aap blogging se kama sakte hai.
  6. Blogging karne ka ek aur fayeda ye hai ki aap blog likhne se pehle bahut research karte hai, jis se aapki knowledge din pratidin badhti rehti hai.
  7. Internet par famous hone ke alag alag tarike hai, aur blogging unme se ek hai.
  8. Dusre business ki tarha blogging ek aesa business hai, jisme aapko start karne ke liye zyada paise invest karne ki zaroorat nahi padhti.
  9. Bloggers jo hote hai wo har roz likhte rehte hai, blog post ke roop me aap iska fayeda book writing me bhi utha sakte hai.
  10. Blogging karke sirf aap google AdSense se hi nahi balki dusre tariko se bhi paise kama sakte ho, jaise ki Affiliate marketing, Product Reviews, Sponsorships aur bhi tarike hai.

Blog Kaise Banaye 2021 - Conclusion

Dosto aaj ke is article me maine aapko bataya ki Blog Kaise banaye 2021, aasha karta hoon aapko ye article blog kaise banaye accha laga hoga. Agar aapke man me koi sawal hai to aap niche comment box me puch sakte hai.

Aur aasha karta hoon aap is article ko apne social media Facebook, Whatsapp, Twitter ya telegram par zaroor share karenge. Bas ise meri chhoti si fees samjhiye please share zaroor karna. Article padhne ke liye aapka bahut bahut shukriya, aapka din shubh ho.

Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on telegram
Telegram
Share on twitter
Twitter

Leave a Reply