You are currently viewing Blogging in Hindi
Blog kya hai

Blogging in Hindi

Blog kya hai Janiye -Blogging in Hindi

Aap bhi agar Blogging se Paise Kamana chahte hai, to uske liye aapko aesi waisi blogging nahi balki Professional Blogging ke baare me seekhna hoga, aapne bahut sare Articles aur bahut sari YouTube par video dekhi hogi lekin sach kahu to unme koi bhi dam nahi hai, lekin tension nahi lene ka aapko blogging karne se pehle jaanna chahiye iske baare me.

To aaj ke is Article me aapko mai Professional Level ki jaankari dete hue samajhaunga ki Blog kya hai aur Blogging kya hai, to agar aap sach me seekhna chahte hai to is Article ko zaroor acche se read kare aur samjhe.

Blog kya hai

Dekhiye pehle Advanced chizo par jaane se pehle hume basic concept clear hone chahiye, tabhi hum aage ki advanced tips seekh sakte hai, isliye mai aapko Professional Blogging sikhane se pehle aapko acche se clear karwana chahte hoon Blogging ke basics ke baare me. 

Blog kya hai ? to apko mai bata du ki blog ek tarha ki website hai, jaha par log apne experience, knowledge information aadi chize share karte hai. Example ke liye ye jo aap read kar rahe hai ye bhi ek Blog hai, jaha par mai aapko Blog kya hai or Blogging kya hai is baare me knowledge aur information share kar raha hoon.

Aapne Search Engine ke baare me to suna hoga, Google, Bing, YouTube  ek tarha ke search engine hai. Yahan par log har roz karodo arbo ki tadat me apne sawal Search Engine me daalte hai jiske baad unhe bahut se results dikhte hai. 

Ab aapko ya bahut se logo ko aesa lagta hai ki Search Engine ke paas sari information hai wo hi aapko sare jawab deta hai, lekin aesa nahi hai Search Engine sirf sawalo ko samajh kar us ke sabse relevent jawab jo ki Article, Video ya image kisi bhi tarha ke content se related chizo ko search karne wale ke samne rakhta hai links ke roop me, jo ki wo alag alag tarha ki websites aur blogs se leta hai.

Dekhiye bloggers jo blog likhte hai, wo apni knowledge ko blogging ke zariye ya kisi bhi content ke zariye share karte hai, ab jo use read karta hai use knowledge milti hai, aur jo likhta hai use paisa kamane ka ek saadhan milta hai, to is se Reader aur Blogger dono ko hi fayeda hota hai.

Table of Contents

Blog kya hai 2021 (What is Blog in Hindi)

Blog ek tarha ki website hi hoti hai jise blogger.com jo ki Google ka ek Free Platform hai ke jariye banaya jaata hai. Blogger ki madad se aap High Quality Blog apne liye bana sakte ho. Blogger par agar aapko blog banana hai to aapko sabse pehle blogger.com par sign up karna hoga.

Blog ka Blogger regular update karta rehta hai. Blogger apne blog me nayi nayi information, Knowledge ya fir apne experience ko Content ke zariye share karta rehta hai. Ek professional blogger, apne blog ko kuch is tarha represent karta hai ki padhne wale ko bilkul normal aam bol chal wali bhasha me apna content represent kiya jaye taki read karne wala use aasani se samajh sake.

Ek blogger ke blog likhne ke peeche kuch uddeshye ho sakte hai jaise ki zyada logo tak apne blog ko pahuchaya jaye taki uski community badh sake, dusra ho sakta hai blog kisi business se juda ho jis se business ko grow karne me bahut acchi help milti hai. To alag- alag bloggers apne apne tarike se blog banate hai.

Blogging kya hai (What is Blogging in Hindi)

Ek web page jisme hum koi content ya fir blog post hote hai, to blog post ko likhne ko hi Blogging kehte hai. To jo koi bhi is skills ka istemaal karke ek web content likhta hai use hi blogging kaha jaata hai, isi wajah se koi bhi blog ko chalaya jaa sakta hai.

Blogging se jude kuch meanings -

Ab mai aapko blogging se jude kuch important meanings ke baare me bataunga jo aap zaroor samjhe.

Blog Meaning in Hindi: 

Agar hum sabse pehle Blog Meaning ke baare me jaane to ye ek tarha ki aesi diary hoti hai jo aapko Internet par milti hai, aur ise logo ke dwara hi likhi jaati hai. Blog tarha tarha ke hote hai isme aapko knowledge, information, entertainment aur bhi bahut kuch read karne ko milta hai. Blog ko Internet use karne wale bahut se readers padhte hai.

Blogger Meaning in Hindi: 

Ab baat karte hai Blogger Meaning ki dekhiye blogger wo hota hai jo blog ko likhta hai, ye blog ka owner ya maalik hota hai. Blogger ka kaam ye hota hai ki use apne blog me regular nayi nayi jaankari ko upload karna hota hai, agar wo aesa nahi karega to uska blog search me nahi aayega is se naa to wo koi paisa kama payega naa hi uske blog ko koi dusra read kar payega. Blogger ka kaam hota hai ki wo nayi nayi jaankariyo ko jald se jald apne readers tak pahunchaye.

Blogging Meaning in Hindi: 

Chaliye ab baat karte hai Blogging Meaning ki Jaisa ki mai aapko upar bata chuka hu kisi bhi knowledge ko Online Blog Post ke dwara likh kar internet par share karna blogging kehlaata hai. Iske liye aapke paas blog ya website ka hona zaroori hai. Kuch log aese hi Time Pass ya fir apne Likhne ka shauk poora karne ke liye Blogging karte hai, lekin kuch log aese hote hai jo apne shauk ya knowldge ke zariye Professionally Blogging karte hai, taki wo ise apna profession bana sake aur is se paise bhi kama sake. To is tarha blogging do tarike se ki jaa sakti hai.

  • Personal or Hobby Blogging.
  • Professional Blogging.

Personal Blog Meaning in Hindi

To Personal Blogging wo hi bloggers karte hai jo sirf koi na koi kahani ya fir apna experience share karte hai. Ye kisi ka bhi experience share kar sakte hai kyuki inhe bas likhne ka shauk hota hai. Aese bloggers ko paise kamane ka ya to pata nahi hota ya fir wo iske baare me sochte nahi hai.

Aese bloggers ko pehle se hi likhne ka shauk hota hai, to usi apni hobby ko aage badhate hue wo personal blogging karte hai. Aese bloggers ka koi plan nahi hota na kisi techniques ko wo follow karte hai. Ye bas time paas ke taur par blogging karte hai.

Professional Blog Meaning in Hindi

To dusri taraf agar hum Professional Blog Meaning in Hindi ke baare me jaane to ye kuch is tarha ke bloggers ke dwara ki jaati hai jo Blogging ko apne Profession ya career ke taur par chunnte hai, taki blogging karke wo accha khasa paisa kama paye aur apne ghar ko chala sake. Professional Bloggers blogging ko Bussiness ke taur par chalate hai, aap me se bahut logo ne shayad ye pehli baar suna hoga, aur shayad aapke man me ye sawal bhi aa sakta hai ki, Professinal Bloggers kaise paise kama sakte hai.

Agar mai aapse sabse basic chiz ki baat karu ki bloggers paise kaise kamate hai, to usme sabse basic hai jaisa aap kisi article ko read karte hai waha par aapko ads dikhti hai na, ye sabse basic tarika hai Blog se paise kamane ka. Iske alawa aap Blogging karke kuch aur tariko se paise kama sakte hai jo ki professional bloggers hi implement  karte hai, chaliye ab mai aapko un tariko ke bare me batata hoon.

  • Advertising
  • Content Subscription
  • Membership Websites
  • Affiliate Links
  • Donation
  • Ebooks
  • Online Cources
  • Coaching & Consulting

To jo maine upar aapko ye sabhi tarike jo bataye hai ye professional bloggers apnate hai aur in tariko ka istemaal karke wo paise kamate hai. 

Professional Blogging Means in Hindi

Professional Blogging kya hai

Dekhiye abhi tak maine jo bhi aapko bataya, aasha karta hoon aapko Blog Kya hai itna to samajh aagya honga. Ye ek tarha ka bussiness hai kyuki aap is se paise kamate ho. Magar aap ye zara soch ke dekhiye ki kya aap bina koi plan banayae ek successful Business chala sakte ho ? nahi na to usi tarha aap bina stretergy aur plan ke ek successful blog bhi nahi bana sakte. Ek Professional Blogger pehle se hi apni stretergy aur plan par kaam karta hai tabhi jaa ke wo accha khasa paisa kama sakta hai.

Aapko agar likhna pasand hai, to aap Blog me article likh sakte ho, ye ek Personal Blogging ho gayi. Lekin agar aap pehle soch samajh ke plan banake ek badiya stretergy ke sath blog ko taiyaar karte hai to aap Proffessional blogger ki category me aa jaoge. Aur us se aap bhi acchi khaasi earning Blogging ke through kar sakte hai, but aapko kuch baat ka dhyaan rakhna hoga jaise ki,

  • Planning
  • Patience
  • Hard Work
  • Smart Work
  • Diligence (lagan)

Dekhiye aap ye baat bilkul dimag se nikal dijiye agar aap sach me Professional Blogger banna chahte hai, ki aapne agar aaj blog bana liya to kal hi aapka blog succsessfull ho jayega aur parso se aap bahut zyada earning karni shuru kar denge, aesa bilkul bhi nahi hai aur aap aesa to kabhi sochna bhi mat. Aapko sabse pehle Patience rakhna hoga aur sath hi sath hard work karna hoga.

Agar aap Blogging karna chahte hai to sabse pehle jaan lijiye Who is the Father of Professional Indian Blogging. Aapne naam nahi suna to mai bata du ki Amit Agarwal jinhe Father of Professional Indian Blogging ke naam se bhi jaana jata hai. Wo ek aese shakhs hai jinhone apni acchi khasi job ko blogging ke liye chhor diya tha, aaj wo sirf blogging se hi itna zyaada paisa kamate hai ki agar wo us company me aaj hote to bhi utna paisa job se nahi kama pate.

Amit Agarwal - Digital Insperation
Amit Agarwal (Professional Blogger) - Src : https://www.labnol.org/about

Dekhiye ab aap agar koi job kar rahe hai, aur aap is article “Blog Kya hai” ya “Blogging kya hai” jaise article read karte hai aur inse influence hoke aapke dimag me ye aata hai ki mai job chhor ke pura dhyaan Blogging par karna chahta ya chahti hoon, to aapko pehle khud ki situation ko pehle dekhna padega, ki aap abhi kitne capable hai.

Aapko kuch sawal puchne honge khud se ki kya aap Job chhor ke blogging kar paoge? kya aapke pas abhi itni savings hai ki aap apna guzara kuch mahino tak kar pao? to hi aap koi decision lijiye. Iske saath sath mai aapko kehna chaunga ki aapko ye dekhna padega ki aap kitna puntual hai apne current kaam ko leke, kya aap khush hai apni job se aese bahut sawal jaise ki kya blogging aapke liye sahi hai ?

Ab mai batata hoon aapko aesa kyu sochna hai, kyuki jab aap blogging karege to ye aapka business hoga, aur aap apne khud ke boss honge aur khud hi employee. Aapko starting me hard work karna padega aur jab results aapki soch mutabiq nahi dikhenge to aap demotivate bhi hoge, fir aap sochenge ki kyu maine job chhori wo hi theek thi. Blogging ek creative work hai, isme dimaag kuch zyada lagta hai to aapko pehle se hi prepare hona padega. Agar aap ye karne me kamyab ho gaye to aap soch bhi nahi sakte ki blogging se kitna paisa kamaya ja sakta hai.

Professional Blogging Tips in Hindi

To dosto ab mai aapko kuch aese tips bataunga jis se agar aap ek simple personal blogger hai aur Professional Blogger banna chahte hai to neeche batayi gayi tips ko zaroor read kare.

Unique Content :

Blogging ke liye sabse zaroori part ye hai ki blog ka unique hona, agar blog unique nahi hoga to iske bahut se nuksaan hai. Dekhiye bahut se log agar kuch jaanna chahte hai to wo same article ko 3 se 4 bar alag alag websites me read karte hai, agar unhe content match dikhta hai to unhe ye chiz pasand nahi hai aur ho sakta hai ki fir wo aapki website me nahi aaye. To aapko ye dhyaan rakhna chahhiye ki conntent ko unique banaye.

Agar Readers aapki website me bhi same content dekhenge to fir wo aapki website me nahi aayenge, aur is se aapki earning bhi nahi hogi to is chiz ko zaroor yaad rakhe content unique hona chahiye.

Patience rakhe aur Passionate bane :

Dekhiye agar aap blogging se sirf paise kamane ki soch rahe hai to aapko blogging karne ke bare me bhul jaana chahiye. Ab mai aesa kyu keh raha hoon is point me samjhiye. Sabse pehli chiz to blogging me aesa koi bhi shortcut nahi hai ki aaj blog banaya aur kal hi aap succsessful ho gaye. Ek succsessful blogger banne ke liye aapko hard work karna hoga, aesi koi bhi chiz nahi hai jisme hardwork involve na ho, speccially unke liye to aesa hi hai, jo Gareeb hai aur afford nahi kar sakte, aur na koi acchi khasi jaan pehchan hai na koi support.

Aap mera example le lijiye upar batayi sab chizo me mai khara utarta hoon, naa to mera family background itna accha hai ki ma ihar chiz afford kar lu, na koi itni acchi khasi jaan pehchan. Bas mehnat karni hai aur apne lakshay ko paana hai. Jab aap ye soch lenge to aap succsess zaroor payenge kyuki aap hi ho jo khud ki help kar sakte ho.

Aapko khud ko blogging ke liye passionate banana padega, hard work karna hoga. Ek tip ye dunga ki aapko sirf usi topic ke upar blog banana hoga jisme aapka interest hai, agar aap aesa karenge to aap kabhi bhi demotivate nahi honge, aur jis chiz me aapka interest hai usme aapko likhne me bhi maza aayega.

Dusre ke Blogs Read kare :

Aap agar ek professional blogger banna chahte hai to aapko pehle blogging me ye jaannaa hoga ki jis bhi topic par aap blog banana chahte hai usme aapke competitor kaun kaun hai. Ye chiz duniya me kisi bhi tarike ka business ya kaam shuru karne se pehle karni chahiye, lekin hum blogging ki baat kar rahe hai to blogging me bhi ye zaroori hai. Aapko jaanna hoga ki akhir aapke competitor akhiye kaise kaam karte hai, kya likhte hai ye sab aap unke blogs ko read karne ke baad hi jaan payenge.

Agar aap apne competitor ki blogs ko read karenge to aap unki strategy ko bhi samaj payenge, aur uske baad aap apni creativity ke sath apne blog par kaam kar payenge. Dosto agar aap ek professional blogger banna chahte hai to sabse pehle aapko read karna hoga uske baad aapko apni creativity dikhani hogi.

Dusre ke Blogs Copy na kare :

Aapko ye pata hona chahiye ki aap jis bhi topic par koi article likhna chahte hai, us par pehle se hi hajaro lakho article internet par already maujood hai. Agar aap apni creativity dikhane ki bajaye unke hi content ko copy maarenge to ye baat meri notice kar lijiye aap Professional Blogging ke baare me bhul jaiye, kyuki Professional Blogger copy nahi karte balki apni creativity se content ko aur zyada improve karte hai.

Aapko iske andar mai ek tarika batata hoon, aapko jab bhi koi naya article apne blog ke liye taiyaar karna hai to aapka sabse pehla kaam to ye hona chahiye ki aapko pehle Internet par apne topic ke upar acche se research karni padegi, aur sari research karne ke baad jo bhi aap Data collect karenge use apne ideas aur creativity ke zariye itna nikhaar ke blog likhna hai ki read karne wala bhi impress ho aur jo read kar raha hai use acchi invormation ke sath sath value bhi mile, use aesa nahi lagna chahiye uska time waste ho gaya hai.

Ek Category ya Niche se jude rahe :

Ab is chiz ko aapko mai bahut acche se samjhaunga, dekhiye aap jis bhi topic ke upar apna blog ya website ko taiyaar karna chahte hai usi se hi jude rahiye. Mera kehne ka matlab hai agar aap Motorcycle se jude blog banana chahte hai to sirf motorcycle ke baare me bataiye, Car ke baare me nahi. Ab aap humari website ko dekhiye humari website CreatorsGyaan.com me aapko sirf Digital Marketing ke baare me hi jaankari milegi wo bhi hindi me.

Agar aap aesa karte hai ki apne blog ki category ya niche ke sath jude rahenge aur usi ke ird gird hi blog post dalenge to log aapke ek article se dusre article pe jayenge kyuki jo bhi aapki website ya blog par aayega wo  usi topic me interested hoga to wo ek blog read karne ke baad dusre aur fir teesre blog par bhi jayega, is se aapki earning bhi badhegi.

Same Niche ke blogs par yogdaan de :

Dost Blog ke liye SEO bahut zaroori hai, is website me aapko SEO ke baare me poori jaankari milegi jise aapko is blog ke baad zaroor read karna chahiye.

Read: SEO kya hai in Hindi

Mera aapko ye upar wali chiz bolne ke piche maksad ye hai ki SRO ek blog ke liye bahut zaroori hai aur dusre blogs par yogdaan dene se mera matlab hai guest posting ji haan dosto SEO ke nazariye se agar hum Guest Posting ki baat kare to ye bahut hi badiya zariya hai aapke blog aur website ko naye visitors ke saamne laane ka.

But iske liye aapke khud ke article acche aur unique hone chahiye tabhi aap kisi bade blogger se approach kar sakte hai Guest Post karne ke liye. Aur is tarha ke Guest Post se aapke blog ko ek lime light mil jaati hai aur us bade blog par aane wale visitors aapki website ya blog par aane lagte hai.

To aapka kaam hai ki aapko sabse pehle un sabhi blogs ki list banani hai jo aapki category me aate hai matlab jo aapke blog se related blogs apne blog par dalte hai. Uske baad aapko unhe email ya kisi bhi tarha se contact kar ke approach karna hoga ki aap unke blog par likhna chhate hai aap unhe apni website ka link dekar apne article ki uniqueness dikha sakte hai taki unhe aapke skills ke baare me jaankari mile.

Income Badhaaye :

Dosto ek samaye aesa bhi aata hai, ki hume aesa lagta hai ki bhyi ab itni income se apna kaam nahi chal raha hai hume apne income sources ko bhadhana padega, to uske liye sirf aapko adsense wali ads par depend nahi rehna. Aap apne blog par income source badha sakte hai Affiliate marketing se,  Paid Post se, sponserships se, Banner ads se aur paid content ki madad se bhi aap apne income ko badha sakte hai.

Consistency rakhe :

Consistency hi ek aesa factor hai jo ek normal blogger aur ek Professional blogger ke beech me hota hai. Aapko ye pata hona chahiye ki agar aap regular post nahi karoge to aap apni website ya blog par aane wale traffic ko bhot zyada hi loose kar doge. Ek professional blogger hamesha content blogging karta hai.

Yadi aap apne blog par Professional blogger ki tarha consistent blogging karte rahenge to aap apni website ya blog me traffic gain zaroor dekh payenge, aur aap apne blog ke liye acchi khasi audience generate kar lenge.

Agar aap Daily post likh nahi sakte to aap hafte me 2 se 3 blog likh sakte hai, is se benefit ye hoga ki aapke blog me regular post hoti rahegi aur productivity bani rahegi. Magar is baat ka dhyaan rakhe ki post me quality ko neeche naa jaane de aur high quality post daalte rahe.

Social Media is important :

Dekhiye agar aap ek professional blogger banna chahte hai to aapko ye dhyaan rakhna hai ki social media ko sirf entertainment ka platform na maane professionally soche aur social media ka use apne brand ki establishment me lagaye. Social Media ek aesa platform hai jaha par aap apne skills ko logo ke aage represent kar sakte ho, agar aap aesa karte hai to log aapke skills ki wajah se ap par trust karne lagenge jis se wo aapke blog ke regular reader banenge.

Apne acche aur valuable content ko social media par share karke aap apni audience ko apne content ke sath engage kar sakte hai. Aap jaante hi hai ki social media aaj ke samaye me lagbhag har koi istemaal karta hai to aap iska benefir lekar apne skills ko audience tak pahucha sakte ho.

Digital-Marketing-In-Hindi-Social-Media

Blogging Goals :

Aapko agar blogging karni hai aru professional blogger banna hai to aapko blog shuru karne se pehle hi apne goals set karne honge. Aapko ye decide karna hoga ki karna kya hai aur har mahine ki starting me goal rakhe ki is month aapko kitne blogs likhne hai. Agar aap aesa karte hai to aap motivated rahenge aur goal achive karne par aapko khushi milegi.

Blogs ko updated rakhe :

Aap jaante hai ki har roz kuch na kuch invent hota rehta hai, aap agar jis bhi niche ya category me professional blogger banna chahte hai to aapko dekhna hoga ki aapki field me kya kya nayi update aa rahi hai, aapko apni audience ko regula up to date rakhna hoga. Agar aap aesa karne me kamyab ho jaye to aapke blog me traffic har roz increase hone lagega.

Professional Blogger kya karte hai ?

Aap ek Professional Blogger banna chahte hai, kyuki aapne bhi shayad suna hoga ki ek Professional blogger mahine ke lakho rupaye kamata hai. Ye kitna sach hai chaliye ab mai aapko is bare me batata hoon. Dekhiye aese bahut se blogger hai jo sach me har mahine lakho rupaye ki earning sirf blogging se karte hai. Magar ye jitna aasan dikhta hai na utna aasan hota nahi hai.

Bahut se Professional Bloggers jo aaj apni life jee rahe hai wo unhe itni aasani se nahi mili uske peeche unke saalo (years) ke skills hai aur bahut zyada mehnat ki hai unhone aapko bhi agar unki tarha lakho rupaye kamane hai to apko bhi kuch tyaag karna padega apne aaram aur nind ko thoda sacrifies karna padega. Kyuki kehte hai na koi badi chiz itni aasani se nahi milti uske peeche varsho ki mehnat aur lagan hoti hai.

Blog kya hai or Blogging kya hai - Concluesion

To dosto aaj maine aapko bataya Blog Kya hai (What is blog in hindi), aasha karta hoon aapko ye article blogging kya hai accha laga hoga. Agar aapka koi sawal hai to aap mujhe neeche comment box me puch sakte hai. Aapko humari website CreatorsGyaan.com me Digital Marketing se judi Hindi me sari jaankari milegi jisme mai aapko vistaar se har chiz bataunga

Please is Article ko apne Social Media Facebook, WhatsApp, Telegram par zaroor share kare taki aur logo ko bhi acchi jaankari hum de sake. Article read karne ke liye aapka shukriya aapka din shubh ho.

Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on telegram
Telegram

Leave a Reply