You are currently viewing Web Hosting kya hai ? What is Web Hosting in Hindi
Web Hosting Kya hai - What is Web Hosting in Hindi

Web Hosting kya hai ? What is Web Hosting in Hindi

Web Hosting kya hai ? Vistaar se samajhiye

Agar aap apne liye ek website banana chahte hai to aapko apni website ko host karne ke liye ek Web Hosting ki zaroorat padhegi ye to aapko pata hi hoga. Ji haan apne sahi samjha jitni bhi website aap Internet par dekhte ho wo sabhi kisi na kisi Web Hosting par hoti hai. Ab ye What is Web Hosting in hindi hai uske baare me aap is Article me vistaar se jaanoge.

Agar aap is Article ko dhyaan se read karenge aur samjhenge agli baar se aap kisi ko bhi bata payenge ki Web Hosting kya hoti hai. Maine bahut si websites me article read kiya hai bahut ne to galat bataya hai, aur kuch ne to puri information nahi di hai Web Hosting ke bare me but aap sahi jagha aaye hai aapko main ek dam sahi jaankari dunga jo maine bade bade English Bloggers se pata kari hai.

To aapko mai aaj Web Hosting ke bare me poori jaankari dunga jis se aap jab bhi hosting kharidenge to aap kisi bhi jhol jhal me nahi fasenge aur aapke hazaro rupaye bekaar hone se bach jayenge.

Web Hosting Kya hai - What is Web Hosting in Hindi

Table of Contents

Web Hosting kya hai ? (What is Web Hosting in Hindi)

Agar aap koi Website ya Blog banate hai to usme jo bhi content jaise ki Images, Text, Videos, pages ya Post sare ka sare content ko kisi server par store karna hota hai. Is se jab bhi koi internet par chahe to aapke content ko dekh sakta hai

To is sabhi prakriya ko aap website ya blog bana kar kar sakte ho. Iske liye aapko Web Hosting ki zaroorat padhti hai. Web Hosting ek service haijiski madad se aap apne blog ya website ko Internet par daal sakte ho. About this article : What is Web Hosting in Hindi

Internet par bahut sari Web Hosting milti hai, lekin agar aap apni website ko host karna chahte hai, to uske liye koi aesi waisi hosting nahi balki aesi hosting leni chahiye jo hamesha 27*7 Internet se connected rahe aur ek powerful Web Server hona chahiye, taki website readers ya users ko koi bhi problem gace na karni padhe.

Agar hum ek Web Server ki baat kare to bahut hi zyada costly hota hai, isme uski maintenance, Technical Staff aur  dusri technology ki zaroorat hoti hai, isliye itna kharcha karne ki bajaye website devolopers Web Hosting ka sahara lete hai jinke paas khud ka Powerful Web Hosting Server ho.

Ab hum jaise Website Developers aesi Web Hosting Companies se jo ye service provide karti hai unse Web Hosting Monthly ya Yearly plan ke hisab se rent par lete hai, jisme hume apni website ko host karne ke liye unke server pe space mil jata hai.

Powerfull-Web-Hosting-Server

Web Hosting Kitne tarha ki hoti hai ? (types of web hosting)

Jab koi Website Developer apne liye koi website banata hai, to wo apni us website ki zaroorat ke hisab se ye decide karta hai ki use konsi Web Hosting kharidni chahiye. Agar hum Web Hostine ke Types ki baat kare to ye 4 tarha ki hoti hai.

  1. Shared Web Hosting
  2. Dedicated Web Hosting
  3. VPS Web Hosting
  4. Cloud Based Web Hosting

Abhi aapne jaana different types of web hosting.

To ab mai aapko in sabhi ke bare me ek dum vistaar se batata hoon.

Shared Web Hosting

Shared-Hosting-Digital-Marketing-in-hindi-website

Shared Hosting kya hai agar hum iske baare me jaane to aap iske naam se jaan sakte hai, Aese web hosting jisme ek server me bahut sari websites Host ho rahi ho use Shared Hosting kehte hai.

Ab ek Server me bahut sari websites sab chize ek sath share kar rahe hote hai jaise ki Server, RAM, CPU ye hi kaaran hai ki Shared Hosting dusri Hosting se sasti padti hai.

Example ke liye maan lo ki agar aap koi room rent par lete ho, to wo room me agar aap akele rahoge to wo mehnga padega aur agar aap aur aapke 4 dost ek room rent par lete ho to aapko sasta padega.

Lekin maan lijiye ab room chhota hai, aur aapke aur dost bhi same room me rehne ke liye aa jaye to aapko bahut si problem face karni padegi jaise ki washroom ki problem, clothes rakhne ki problem etc.

Usi tarha agar ek server me bahut sari websites host hoti hai to kabhi kabhi kuch problems aati hai shared hosting me.

Ab aese hi agar aapki website jab dheere dheere purani hogi aur usme aapne kafi content dal diya hoga aur aapki website me traffic badhne lagega to aapki website ki speed slow ho jayegi, aur kabhi kabhi to readers ya visitors ko website loading ki bhi problem dekhne ko milegi.

Shared Hosting kise leni chahiye ?

Agar aapka business abhi naya naya hai aur abhi shuruwat kar rahe ho to aapke liye Shared Hosting hi best hai, iske alawa wo bloggers jo naye hai aur chhote business walo ke liye bhi Shared Hosting ke plans hi sabse best hote hai. About this article : What is Web Hosting in Hindi

Shared Hosting ki khas baat ye hai ki isme koi bhi website ko host karna bahut hi easy hota hai, shared hosting me aapko bahut se tools aur plugins bhi milte hai jo ki install karne me bahut hi aasan hote hai aur useful bhi hote hai,

Dedicated Web Hosting

Dedicated-Web-Hosting

Dedicated Web Hosting ki agar hum baat kare to iska matlab ye hai ki poora server aapka hota hai isme sirf aur sirf aapki website hi hosti hoti hai. Dedicated Hosting ke benefit bahut hai, but ye web hosting Shared Web Hosting ke muqable mehngi hoti hai.

Shared Hosting me jaise bahut sari websites ek server me hoti hai to full control user ke paas nahi hota ab isi ke ulat agar hum dedicated web hosting ki baat kare to isme user ke paas full control hota hai, matlab ki aap isme apne liye operating system ke alawa aur bhi dusri settings me badlav apne anusar kar sakte hai.

Dedicated hosting unke liye fayedemand hoti hai jinka business ya website, blog bada hota hai aur jisme bahut saara traffic aata hai, kyuki jaise shared web hosting me zyada traffic ki wajah se website ki performance aur loading speed kam ho jati hai ya kabhi kabhi to server bhi down ho jata hai, par Dedicated Hosting me aesa bilkul bhi nahi hota.

Read This: 47 Blogging Tips naye Bloggers ke liye

Dedicated Web Hosting kise leni chahiye ?

Jaisa ki maine upar bataya jinki website ya blog me zyada traffic aata hai to unhe Dedicated Web Hosting leni chahiye, kyuki ek to ye mehngi hoti hai dusra high traffic ki wajah se earning ke nuksaan se bach sakte hai.

Iske sath sath jinki Ecommerce website hoti hai aur unke website par high traffic ki wajah se website down ho jaye to unhe bahut zyada nuksaan ho sakta hai isliye unhe is tarha ki web hosting leni chahiye. About this article : What is Web Hosting in Hindi

VPS (Virtual Private Server) Web Hosting

Virtual-Private-Server web hosting kya hai

Agar hum Shared Web Hosting aur Dedicated Web Hosting ko mila de to ye ek VPS yani ki Virtual Private Server ban jaata hai. Is tarha ki web hosting me har website ke paas apna apna dedicated virtual web server hota hai, ye physical nahi hota. Chaliye ab mai ise aapko aasan bhasha me samjhata hoon.

VPS (Virtual Private Server) me hota kya hai ki ek Physical Server me bahut sare Virtual Web Server hote hai, aur har virtual web server me apni apni alag alag website hoti hai, jisme use kharidne wale ka poora adhikaar hota hai.

Agar hum ise Shared Web Hosting se compare kare to VPS me aapko zyada Space milta hai iske sath sath aapko zyada bandwidth aur power bhi milti hai. Ye hi wajah hai ki Shared Hosting ke compression me VPS server me host website ki speed kafi zyada hoti hai.

Agar hum ise Dedicated Web Hosting se compare kare to ye is se accha nahi hota but Shared hosting se accha hota hai, isliye ye Dedicated Web Hosting aur Shared Web Hosting ke beech me hota hai. Ab agar aapki website me bahut zyada traffic aata hai to aapke liye VPS bhi theek nahi hoga kyuki isme bhi kafi limitation hoti hai.

VPS Hosting kise leni chahiye ?

Agar aapki website thodi purani hai aur aapko lagta hai ki aapki website me traffic pehle ke muqable zyada ho gaya hai aur aapki website slow ho rahi hai to aapko VPS Web Hosting leni chahiye.

Cloud Web Hosting

Cloud-Web-Hosting---Digital-Markting-in-Hindi-website

Ab agar hum Cloud Web Hosting ki baat kare to isme aapko bahut sare resources mil jaate hai jo ki aapko Dedicated ya fir VPS Web Hosting me dekhne ko nahi milte hai. Cloud Web Hosting me aapko Storage aur Capacity me ek limit di jaati hai, lekin abhi tak bahut hi kam aesi website nahi hai jo us limit tak pahuch bhi payi hai. About this article : What is Web Hosting in Hindi

Kabhi Kabhi aesa hota hai ki koi website ka koi content achanak viral ho jaata hai to website me acchanak bahut sara traffic aajata hai aur is situation me traffic ko handle kar pana mushkil ho jata hai. To aesi situation jab aati hai to Cloud Hosting use badi hi aasani se handle kar sakta hai, kyuki Cloud hosting me hota kya hai ki bahut sare server aapki website ko host karte hai.

Agar hum haal hi ke saalo ki baat kare to zyadatar website owners Cloud Web Hosting lena zyada pasand karte hai. Kyuki Cloud Hosting kabhi bhi aapki website ko Down ya Slow nahi hone deti hai chahe aapki website par kitna bhi traffic aa jaye.

Jaise ki aap Dedicated Web Hosting me full control ke sath kaam kar sakte hai jitni flexibility aapko Dedicated Web Hosting me milti hai utni aapko Cloud Hosting me nahi milti hai.

Agar aapke paas ek Blog Website hai ya fir aapki Normal website hai lekin traffic agar aap world wide chahte hai to aapke liye Cloud Web Hosting sabse accha option hai.

Cloud Web Hosting kise leni chahiye ?

Cloud Web Hosting me bhi aapko flexibility mil jaati hai jaise ki aap apne anusaar web space aur memory ko increase kar sakte ho. Isme aapko apni website ko organize karne me bahut aasani hoti hai iske alawa jab kabhi achanak website traffic badhne par aapko koi bhi server problem face nahi karni padti.

Web Hosting Kaise kaam karti hai ?

Aapko Internet me bahut sari Web Hosting Companies ki advertisement dikh jayengi jo aapko apne server me aapki website host karne ki suvidha deti hai, aur uske badle me aapko us server par apni website host karwane ke liye har mahine rent dena padhta hai.

Aap Web Hosting Server me apne Images, HTML Pages, Videos, Content aadi aap upload karte hai, uske baad aapko apni website ka jo Domain Name hota hai uske zariye Internet par koi bhi aapki website ko surf kar sakte hai.

Web Hosting ki madad se aap apni website ko server par host karte ho, aur fir jab bhi koi Internet user apne computer ke web browser me aapki website ka URL ya Domain name dalega to uska web browser aapke web hosting provider ke server se connect hoga aur uske baad wo user aapki website ko apne URL par dekh payega. About this article : What is Web Hosting in Hindi

Difference between domain and hosting in Hindi

Agar hum Domain Name aur Hosting me Difference ki baat kare to ye dono ek dusre se bilkul opposite hai. Aapko har hosting provider Domain bhi deta hai, lekin ye depend karta hai aap kaunsa Plan le rahe ho. Ab agar aap Hostinger ka 119 wala Popular Plan loge to aapko Domain Name ke sath sath SSL certificate bhi Free milega.

Aap dusre Web Hosting Provider par jaane ki bajaye Hostinger se kharidenge to aapko bahut accha benefit milega aur ye ab tak ki sabse Best Web Hosting Provider hai India me. Neeche diye advertisement se agar aap buy karenge to aapko accha khasa discount bhi mil jayega.

Web Hosting aur Domain name me bilkul bhi confused mat hona.  Ab agar mai isko ek dum saral bhasha me batau to Domain Name ka matlab hai koi Shop (dukaan) ka pata (Address), Aur Web Hosting ka matlab hai Shop jisme saman rakh sakte ho aap.

Domain Name aapki Web Site ka URL ya Address hota hai example ke liye www.Google.com aur Web Hosting ek Server hota hai jisme website ka sara Data save hota hai ye ek bade Server me save kiya jaata hai jisme bahut zyada storage hoti hai.

Features of Web Hosting in Hindi

Features of Web Hosting

Aap agar First Time web hosting kharid rahe hai to aapko neeche diye gaye features ke bare me pata hona chahiye, to dhyaan se samajhiye kyuki har web hosting companiyan aapko alag alag features deti hai.

  • Bandwidth : Bandwidth ka matlab hota hai ki aapki website aur Visitors ke beech me kitni matra me data ko transfer kiya ja sakta hai. Agar koi webhosting aapko zyada Bandwidth deti hai to iska matlab hai ki zyada visitors aane par visitors ko website access karne me koi problem face nahi karne padhegi.
    Lekin agar aapko web hosting provider kam bandwidth dete hai to iska matlab hai ki zyada visitors aane par server down ho sakta hai aur visitors ko website access karne me problem aa sakti hai.
  • Uptime: Aapko Web Hosting lene se pehle Uptime ke baare me jaan lena chahiye ki jis bhi web hosting provider se aap hosting le rahe hai aapko wo kitna % Percent Uptime ki Guarantee de rahe hai. Agar koi Web Hosting Provider company aapko Guaranteed Uptime de rahe hai to iska matlab hai aapki website 99.9 Percent Users ke liye available rahegi.
  • Storage: Sabhi Hosting Companies aapko apne content, Images, Videos aur Graphics ko save karne ke liye Storage deti hai, aapko Web Hosting lene se pehle ye check bhi karna chahiye ki Hosting Provider aapko aapke chune hue plan me kitna Storage provide kar raha hai, kya wo aapke liye sahi rahega.
  • Email: Aapko Web Hosting Companies Custom Email Address ke bhi feature deti hai jis se aap apne business ke according apna custom email bhi buy kar sakte ho, lekin mai aapko suggest karunga agar aapka business chota hai ya naya hai to aapko custom email lene ki zaroorat nahi.
  • Backup: Aap agar computer ka istemaal karte hai to kabhi galti se ya window corrupt hone ki wajah se aapki file delete ho gayi hogi, aur fir use wapis laane ke liye aapko sabse pehle backup banana padhta hai, to usi tarha server bhi ek Computer ki tarha hi hota hai jaha par aapki website ka sara data save hota hai.
    Aapko ye dekhna chahiye ki jis bhi Website Hosting Provider se aap Web Hosting kharid rahe ho kya wo aapko Backup rakhne ki facility de rahi hai ya nahi.
  • Customer Support: Aakhir me aapko ye zaroor check kar lena chahiye jis bhi Web Site Hosting Provider se aap web hosting le rahe hai kya wo aapko Customer Support ki suvidha de rahe hai ya nahi, aur agar de rahe hai to kitne ghanto ke liye support available hai, kya wo Live Chat support bhi de rahe hai ya nahi. About this article : What is Web Hosting in Hindi

Web Hosting kaha se Leni Chahiye ?

Aapko Internet par dher saare Web Hosting Providers mil jayenge, aur har koi aapko ek se badhke ek Hosting Plans bhi batayenge. Par aapko Hosting Plan soch samajh ke lena chahiye aapko aese kisi se puchna chahiye jo pehle se hi Hosting ka istemaal kar raha ho.

Agar aap Website ki shuruwat kar rahe hai aur pehli baar hosting le rahe hai to aapko Hostinger ke Starter Pack ke sath jaana chahiye, is se aap Website aur Hosting ke baare me aur zyada jaan payenge.
Lekin agar aapne pehle Web Hosting le rakhi hai aur aapko wo Web Hosting nahi pasand aayi ya fir bhi aap ek achhi hosting ki talash me hai to aap Hostinger ka hi Premium Plan le sakte hai kyuki Hostinger sabse acchi hosting provide karta hai, maine khud apni 5 alag alag websites me 4 saalo se zyada samye se Hostinger ka hi istemaal kar raha hoon bahut acchi service hai.

What is Web Hosting in Hindi? : Conclusion

Is article me maine aapko What is Web Hosting in Hindi hai iske baare me poori jaankari di, agar aapke man me abhi bhi koi sawal hai Web Hosting kya hai ke bare me to aap neeche comment box me puch sakte hai. Aapko humari website me Digital Marketing se related sare Articles mil jayenge jo aapko bahut knowledge provide karenge.

Aasha karta hoon aapko humara ye article Web Hosting kya hai accha laga hoga please ise apne social media par zaroor share kare. Article padhne ke liye aapka bahut bahut shukriya apka din shubh ho.

Share on twitter
Twitter
Share on linkedin
LinkedIn
Share on whatsapp
WhatsApp
Share on telegram
Telegram
Share on pinterest
Pinterest

Leave a Reply