You are currently viewing YouTube Channel Search me Kaise Laye | YouTube Tips in Hindi
YouTube Channel Search me kaise Laye

YouTube Channel Search me Kaise Laye | YouTube Tips in Hindi

YouTube Channel Search me Kaise Laye ye sabse pehle dimag me aata hai NEW YouTuber ke jab wo ek Channel bana leta hai, magar Problem aati hai apne YouTube Channel ko Search List me laane me. Uski wajah ye hai ki New YouTuber seekhna nahi chahta bas wo chahta hai chamatkaar.

 

To agar aap bhi ek naye YouTuber hai aur, aapko samajhna nahi hai chamatkaar hi jaanna hai to please is post ko read mat karo aap chamatkaar ka intzaar karo aur…. Hindustani Bhau aapse kuch kehna chahenge. Please Bhau sirf unhe bolna jinhe Chamatkaar ka intzaar hai.

 

YouTube Channel Search me Kaise Laye – Problem

YouTube Channel ko Search list me laane me sabse badi problem aati hai jab hum apne channel ko sahi se optimize nahi karte. Aur Channel Optimization sirf ek factor par depend nahi karta kai alag alag cheeze hai aur kai points hai jinke bare mein mai aapko is article me bataunga. To agar aapka channel search me nahi aa raha to samaj jaiye ki aapne channel ko sahi se optimize nahi kiya hai.

Ye bhi Read kare – Google Adword 500₹ mein 46k Views kaise laye

Dusra Factor ye hai ki aapka channel ek dum New hai, ab aapko ye to pata hoga ki kisi bhi cheez ko hone me thoda waqt to lagta hi hai, par tension lene ki zaroorat nahi agar aapka channel New bhi hai to, aap is article me bataye gaye steps ko follow kariye taki aapko aane wale samaye me ye problem naa aye ki aapka channel search me nahi aaraha.

 

YouTube Channel Search me kaise Laye – New Strategy 

New YouTube Channel ko Search me laana bada hi aasan hai agar aap step by step kaam karo to aap lagbhag ek hafte me hi apna channel search me laa sakte ho. Aap jaante hai ki 2020 khatam hone wala hai, aur ab 2021 start hoga. YouTube kuch samaye baad hi algorithm me changes karta rehta hai, uski wajah hai competition.

YouTube ek search engine hai sath hi sath ek company bhi hai jo chahti hai ki uski reputation hamesha bani rahe, to wo apne platform ko hamesha creators aur user friendly banane ki poori koshish karte hai.

YouTube par har roz users aur creators ka count badta jaa raha hai to ye wajah hai competition bhi bad raha hai, aur aane wale salo me aur zyada competition bad jayega. Lekin YouTube ab sirf quality content par dhyan dega agar quality nahi to kisi bhi channel ka grow hona sambhav nahi hai. Islie sabse badi strategy hai ki aapko quality content banana padega.

Ab iska matlab ye nahi hai ki aap Mehnge equipment lo, aap apne mobile se aur mobile ki handfree se bahut kuch kar sakte ho.

To is cheez ke baare mein aapko dusre article me vistaar se bataunga, filhaal hum baat kar rahe hai ki YouTube Channel ko Search me Kaise laye. back to the point – Ab aapko main step by step batata hoon. YouTube Channel search me kaise laye

 

YouTube Channel Search me Kaise Laye – Step by Step

YouTube channel ko search list me laane ke kuch steps hai jinhe aapka jaanna bahut zaroori hai.

1. YouTube Channel Banane se Pehle – Jab aap apne liye YouTube Channel banate ho use banane se pehle aapko 2 baato ka sabse pehle sochna chahiye, pehla apne channel ka niche ya category aur dusra apne channel ka naam.

Ye bhi Read kare – YouTube Channel Kaise banaye 2021 (New way)

agar aap apne channel ka niche ya category sochoge aur usi ko follow karte hue apne channel par content daaloge to log aapko follow karenge aur aapka channel bahut jaldi grow karega aur log aapke channel ke name se search karenge to aapka channel automatically search results me aane lagega. YouTube Channel search me kaise laye

Ab baat karte hai channel ka Naam kyu zaroori hai, to champion agar aap apne channel ka naam soch samajh kar nahi rakhoge to aapke channel ko search me aane me bahut samaye lagega, to channel banane se pehle aapko research karni chahiye ki aapne apne channel ka naam kya rakhna hai. Uske liye pehle 5-10 naam soch lo, aur use pehle YouTube par search karo agar us se bahut sare results aa rahe hai to wo naam unique aur accha nahi hai.

Aap apna naam chun sakte ho uske sath aap apne channel ki category bhi daal sakte ho, For example mere YouTube Channel ka naam hai “Honey Hira – Social Media Tips in HINDI” waise to mera channel search results me mere naam dalne se aajata hai, but maine apne channel ke naam ke sath apne channel ki category bhi dali hai jis se mere channel ki reach aur badhe. To aapko bhi soch samajh ke apne channel ka name ko select karna chahiye. 

Aap kisi bhi bade channel ke naam se apne channel ke naam ko copy karne ki koshish naa kare kyuki us se kabhi bhi future me aapke Fans nahi banege aur sabko lagega aapka poora content copy hai.

 

2. Apne Channel ka naam ka istemaal karo – Jab aap apna YouTube Channel bana lete ho to apne jo bhi YouTube Channel ka naam rakha hai to use apne Channel ke Keywords aur Video ke keywords me zaroor dale is se benefit hoga aur aapka channel search results me dikhna shuru hoga.

Jaisa ki maine aapko pehli tip me bataya naam bahut zaroori hota hai aur jab aap unique naam select karoge aur use apne channel ke tags aur video tags me daloge to crawler ke samne wo naam bar bar aayega (crawler search engine spider hota hai) to ye bahut beneficial hota hai channel ko crawl karne ke liye.

 

3. Apne Channel par content daalo – Bahut se Champion mujhse Instagram par puchte hai ki bhai, mera YouTube Channel search me nahi aa raha hai ek mahina ho gaya hai, to jab main unse sawal karta hoon aur unke channel ko analyze karta hoon to mujhe problems dikhti hai.

Jaise ki unka channel ka naam sahi nahi hota, unhone channel setup dhang se nahi kiya hota, Channel ka naam ke keywords nahi dale hote, aur Content sirf 1 ya 2 video dali hoti hai. To agar aapke channel par bhi content kam hai to sabse pehle content daliye. At least 10 videos zaroor daliye apne channel par.

Jitna zyada content hoga utna hi zyada crawler aapke channel par aayega aur aapke YouTube Channel ke naam ko zyada fetch karega, aur search list me aapka YouTube Channel dikhne lagega.

 

4. Apne Channel ka Naam Video me zaroor dalo – Aap jab new channel banate ho to uske links aur content ko jab search engine ka crawler (YouTube Search Engine) fetch karta hai to wo aapke har ek content aur text ka meta data collect karta hai, jo ki crawler ko ye batata hai ki haan is naam ka bhi channel hai, isme aesa content dalta hai.YouTube Channel search me kaise laye

To aap jab bhi koi video upload karte ho to uske title me aap apne channel ka naam zaroor daale, specially ye New Channel par bahut hi zyada asardaar hota hai.

5. Apne Channel ka #Tags zaroor dalo – Aapne YouTube par bahut si videos deki hogi aapko usmse #Hashtags zaroor dikhe honge, ab ye hashtags ka use kya hota hai, aap agar nahi jaante to main batata hoon jab bhi aap koi hashtag dalte ho to wo social media me ek link ka kaam karta hai, ab jab aap apni video me apne channel k link ka Hashtag daloge to us se aapke channel ka ek aur link banega. YouTube Channel search me kaise laye

Ab jab koi us link par click karega to aapki jitni bhi video me aapne wo hashtag dala hai wo sari videos click karne wale ke saamne aajayengi. Aur aesa crawler ke sath bhi hoga jab crawler aapke channel par hoga to use ek aur link dikhega aapke channel ke naam ka to wo use bhi crawl karega aur aapke channel ke meta data me wo link bhi aa jayega. Jis se aapka channel search list me aane me ye help karega.

 

6. Advanced Settings – Ab jab aap upar batayi gayi sari cheeze kar loge, to aapko apne channel par kuch Advanced settings karni hogi ab ye advanced settings kya hai aur kaisi karni hai uske liye aap neeche di gayi video dekhe. aur upar batayi gayi saari settings me se kuch LIVE PROOF bhi aapko neeche di gayi video me pata chalenge to neeche di gayi video poori dekhe aur samjhe.

Conclusion – Is article me aapko maine kuch tips batayi jis se aap apna YouTube Channel Search me laa sakte hai, aur aapko kaisa apna channel ka naam sochna aur rakhna chahiye. YouTube Channel search me kaise laye

YouTube Channel ka naam bahut hi important factor hota hai, YouTube Channel ko Search me laane me aur grow karne me. 

To aane wale articles me aapko aur bhi knowledge milegi to creatorsgyaan.com ko apne web browser me book mark zaroor kare.

Join our
VIP FACEBOOK PAGE

Aap humari VIP FACEBOOK Community ke sath jud sakte hai, Neeche diye button par click kare.

VIP FACEBOOK GROUP
pexels polina zimmerman 3782228 3

Leave a Reply