You are currently viewing YouTube Subscribers Kaise Badhaye
YouTube subscribers kaise badhaye

YouTube Subscribers Kaise Badhaye

YouTube Subscribers Kaise Badhaye ?

YouTube Channel banane ke baad sabse pehle dimag me yehi chiz aati hai ki, YouTube subscribers kaise badhaye. Bhayi aani bhi zaroori hai kyuki agar YouTube Channel par Subscribers hi nahi honge to video aakhir dekhega hi kaun.

To aaj ke is creatorsgyaan.com ke is article me hum aapko batayenge ki aap YouTube subscribers kaise badhaye. Bas aapko humare diye nirdesho ka palan karna hai, aur uske liye aapko is article ko dhyaan se padhna hoga. Ek baat aur samajhiye, agar aap google par search kar ke aaye hai to samajhiye humara content google ne aapko suggest kiya hai, to kuch to baat hogi na.

YouTube Subscribers Kaise Badhaye ? [SuperFast]

Aapko bahut se aese log ya aese post social media ya internet par zaroor dikhe honge jisme aapko bataya jata hai ki 1000 rupaye me 500 subscribers. Aapne zaroor aese post dekhe honge. Kya hai inki saccha iska benefit kya hai.

Dekho dost ye sach hai ki aap aesa kar ke subscribers badha sakte ho. Magar aapko kya lagta hai us se aapka fayeda kya hoga ? Kya karoge aese Subscribers badha ke jo aapki video to dekhenge hi nahi.

Aesa isliye hota hai kyuki aese subscribers bots hote hai matlab inactive subscribers. Jo sirf number ke hi hote hai. Islie aese me aapko paisa aur samaye barbad nahi karna chahiye. Mai to aapko ye hi suggest karunga baki aage aapki marzi.

YouTube Subscribers Kaise Badhaye ? [Sub 4 Sub]

Bahut sare New YouTubers Sub 4 Sub karte hai, isme hota kya hai ki ek new YouTuber dusre YouTuber ko Subscribe karta hai aur badle me dusra YouTuber pehle wale ko Subscribe karta hai. Aaj kal Sub 4 Sub alag alag tarike se karte hai. Help me i will Help you wagera wagera.

To ab iska scene ye hai ki isme dono tarav active Subscribers to hote hai lekin uska fayeda na ke barabar hi hota hai.

Example ke liye jab aap 100 channel ko subscribe karte ho aapko bhi 100 log subscribe karenge, to aap sochiye ke aap kya har roz un 100 channel ki video dekhoge ? agar dekhoge to accha hai, magar kya wo 100 log aapki agli video dekhenge? nahi na! to un 100 subscriber ko badha ke kya fayeda ?

Chalo ek aur example deta hoon, agar aapko Video Games dekhna pasand hai, aur aap subscribe kar rahe ho cooking wale channel ko aur cooking wala channel aapke gaming channel wale ko subscribe kar raha hai uska kya benefit ?

Iska fayeda lene ka sahi tarika hai ki aap Gaming wale channel ko subscribe karo, aur gaming wale channel wale se subscribe karwao. Kyuki use bhi Gaming Videos hi pasand hogi. To chance badh jayenge ki wo aapki videos dekhe. To ye ek accha example hai YouTube Subscribers Kaise Badhaye ka. But ye bhi long term ke liye accha nahi hai. So mai aapko ye bhi suggest nahi karunga. Baki aapki marzi.

Lekin main aapko bata doon aesa agar aap YouTube par karte hai to aapko permanently YouTube se Ban kiya jaa sakta hai.

Ye dekhiye Proof – Click Here

YouTube Subscribers Kaise Badhaye [Sahi Tarika]

YouTube subscribers kaise badhaye

YouTube subscribers kaise badhaye, ye har naye YouTuber ke dimag me hota hai. Dekho YouTube Channel par Subscribers ek dukaan me customers ki tarha hota hai, agar dukan me customer hi nahi honge to dukaan ka maal kharidega kaun. Lekin ab ise ek aur tareeke se samajhiye, dukaan par customer kyu aayenge, kuch saaman lene hai na. Aur agar dukaan par saaman hi nahi hoga to koi aayega hi to kyu koi to wajah honi hi chahiye na.

To ab ise YouTube Channel ke nazariye se samajhte hai. YouTube Channel par agar koi content hi nahi hoga to koi viewer kaise aa sakta hai. Dekho dost YouTube ek search engine hai aur YouTube video platform is tarike se banaya gaya hai ki viewers yani ki video dekhne wale jyada se jyada YouTube par rahe. Aur viewers dekhne aate hai videos, aur agar aapke channel par videos hogi to viewers zaroor aayenge hai na.

Content is King - YouTube Subscribers Kaise Badhaye

YouTube Channel par subscribers badhane ka tarika

Apne YouTube channel par subscribers badhane ke liye sabse zyada zaroori hai content ka hona. Chaliye ab ise samajhte hai, Dekho dost YouTube par jab aap channel banate ho to aesa bilkul mat karna ki aapne channel banaya aur aap pehli video dalne ke sath sath hi apni video ka link apne sabhi social media par share karne lago. Aapko kam se kam apne channel par 5 videos daalni hogi.

Ab maine aesa kyu kaha ise samjhata hoon, dekho aap 1 video daal kar bhi use share kar sakte ho usme koi problem nahi hai, lekin agar aap 5 videos daal kar video share karoge to uska benefit kya hoga, ab use jaante hai.

Dekho agar aap 5 video daal kar uski playlist banate ho aur us playlist ka link share karte ho to jab koi aapki ek video dekhega to usko YouTube aapki dusri video Automatically Suggest karega taki wo aapki dusri video bhi dekhe. Lekin aapko uske liye ek aur kaam karna hoga, chaliye ab use jaante hai aur mai aapko samjhata hoon.

Aapko apne content par dhyaan dena hoga, aapko accha content banana hoga tabhi koi aapki video ko pura dekhega na, chaliye aapko ise example ke taur par samjhata hoon. Agar aapko koi do videos share kare, ek bhot acchi aur ek bekaar.

Aap acchi wali to puri dekhege, aur bekaar wali kuch seconds ke baad hi chhor denge kyuki wo aapko acchi hi nahi lagegi. Aesa hi dusre karenge aapki video ke sath agar aapki video acchi nahi hogi. To aapko apne content par dhyaan dena padega. Aur agar aapka content accha hoga aur aapne jiske sath video ko share kara hoga agar wo puri video ya aadhi bhi dekhega to aapki dusri videos YouTube use zaroor recommend karega.

Ab is se ye fayeda bhi hoga ki ho sakta hai wo aapke channel ko subscribe kare. To dhyaan rakhne wali cheez ye hai ki “Content is King” aapko apna content sabse hatkar aur sabse accha banana hoga.

Video SEO - YouTube Subscribers Kaise Badhaye

Jaisa ki maine aapko upar bataya YouTube ek Search Engine hai, iska matlab ye hai ki users apne questions ko jaanne ke liye YouTube par search karte hai, jaisa ki Google par bhi search kiya jaata hai, YouTube ek Video Search Engine hai, jo ki second largest Search Engine hai.

To iska matlab ye hai ki jab aap apna koi content matlab ki video ko upload karte hai, to wo kisi na kisi topic par to aapne banayi hogi agar uska Video SEO aapne accha kiya hoga to aapki video search result me sabse upar aa sakti hai. Ab koi video search me sabse upar aati hai to uske views badhne lag jaate hai. Aur jab viewes badhenge to Subscribers bhi badhne lagenge.

YouTube Video SEO Kaise kare ?

YouTUbe Subscribers kaise badhaye

YouTube Video SEO ka matlab kya hota hai?  Iska matlab hai apni video ko is tarike se taiyaar karna ki wo YouTube Search me upar aaye. To pehle jaan lete hai SEO ka matlab kya hota hai. SEO ko kehte hai Search Engine Optimiziation “iska matlab hai content ko Search Engine ke liye Optimize karna”.

Ab hum apni YouTube Video ko Search Engine ke liye Optimize kaise kar sakte hai ? iska jawab bahut hi simple hai.

Video ka Meta Data accha banakar, matlab Video ka Title, Tags aur Discription ko acche se likhkar taki Search Engine ko samajh aaye ki video kis topic par hai.

Ab Title, Description aur Tags kaise likhte hai iske upar aapko aane wale dino me main bataunga. Par abhi ke liye aapko itna samajhna hoga ki is tarike se aap Video ko Search Result me Top par laa sakte ho jis se apki video me Views badhenge aur agar aapki video acchi hui to aapke channel ko viewers subscribe bhi karenge jis se aapke YouTube Channel par subscribers badhenge.

Viral Topics - YouTube Subscribers Kaise Badhaye

Agar aap YouTube par tezi se apne Subscribers ko genuinely badhana chahte hai to, aap un topic par videos banaye jo Trend me ya Viral chal rahi hai, aese me hota kya hai ki YouTube un logo ko aapki video zaroor dikhata hai jinhone pehle us topic par video dekhi ho.

Maan lijiye koi video viral hoti hai, agar aap us topic par video banaye apne tarike se to viral hui video ko jisne dekha hai unke paas YouTube aapki video ko recommend karega aur wo agar us topic par aur janna chahenge to wo aapki video par click zaroor karenge, aur agar aapka content accha hua to aapke channel ko subscribe bhi zaroor karenge.

Ye bahut hi badiya tarika hai apne YouTube Channel par Subscribers Badhane ka. 

Superchats - YouTube Subscribers Kaise Badhaye

Hum aapko bata de agar aap janna chahte hai YouTube par Subscribers kaise badhaye, to ab jo main aapko tarika batane wala hoon wo aapko bahut tezi se subscribers dega. Magar ye tarika thoda kharchila hai. Aapko ek zabardast example bhi main dunga.

Aapne Superchats ka naam to suna hoga, is se bahut hi zyada fayeda hota hai. agar aapka koi entertainment, roast ya gaming se juda channel hai to aap iska bharpoor fayeda utha sakte hai. Aapko har roz bade bade Gamers, Streamers Live stream karte hue dikh jayenge. Jaise ki Carryminati, Triggered Insaan, Dynamo Gaming, Mythpat aur bhi bahut se.

To aap unki live stream me jaakar Superchats de sakte hai is se logo ke paas aapke channel ka naam bar bar aayega aur aapke channel par visiters badhenge kyuki aap bar bar superchats doge to.

Magar us se pehle aapko apne channel par koi na koi content zaroor dalna hoga.

Abhi halhi me Mr. Random bahut hi famous hue hai ye hi tarika apna kar, unhone bade aur chote streamers ko 1 lakh se upar ki super chat di. Aur uske 2 din me hi unke 250k subscribers ho gaye.

Suggestion for You

Aapko sabse pehle ye samajhna hoga ki aap apne YouTube Channel ko Search Result me TOP me kaise laa sakte ho, ye bahut important hai.

Leave a Reply